അതേ
ഇതാണ് ആ കാലം
കണ്ണുകള്‍ മൂകങ്ങളാവുകയും
ശരീരം സംസാരിക്കുകയും ചെയ്യുന്ന കാലം
അവന്റെ കൈക്കുമ്പിളിനുള്ളില്‍ എന്റെ മുഖം
പിന്നെയും ചിരിച്ചു കൊണ്ടിരുന്നെങ്കില്‍...
നിലയ്ക്കാത്ത ചുംബനങ്ങളുടെ പ്രവാഹത്തില്‍
ഇതളുകളുടെ ഭാവം മാറിമാറിക്കൊണ്ടിരുന്നെങ്കില്‍...
ഈ പേമഴയുടെ തോളില്‍
തല ചായ്ച്ചുകൊണ്ട്
ജീവിതം
നൃത്തം ഇങ്ങനെ തുടര്‍ന്നിരുന്നെങ്കില്‍.............
-പര്‍വീണ്‍ ഷക്കീര്‍ (ഉര്‍ദ്ദു)
പത്രപ്രവര്‍ത്തകയും അദ്ധ്യാപികയുമായിരുന്നു. പിന്നീട് സര്‍ക്കാര്‍ ഉദ്യോഗസ്ഥ. ‘ഖുശ്‌ബൂ’ പ്രസിദ്ധീകരിക്കപ്പെട്ട ആദ്യകൃതി. Jang -ല്‍ കോളം എഴുതിയിരുന്നു. Mah-e-Tamam രചനകളുടെ സമാഹാരമാണ്. 1994-ല്‍ ഒരു കാര്‍ അപകടത്തില്‍ മരിച്ചു.
ചിത്രം : പ്രസിദ്ധ ഇറാനിയന്‍ സംവിധായകന്‍ അബ്ബാസ് കിറോസ്താമിയുടെ ‘മഴ’.
4 comments:
നന്ദി, പരിചയപ്പെടുത്തിത്തന്നതിന്!
പർവീണ ഷാക്കിറിന്റെ വരികൾ ഗസലുകളായി ഒരുപാട്‌ കേട്ടിരിക്കുന്നു. പാക്കിസ്താൻ പെണ്ണെഴുത്തുകാരികളുടെ പുതിയൊരു തലമുറക്ക്‌ തുടക്കമിട്ട എഴുത്തുകാരിയെന്നും പറയാം.
ഇവിടെ പരിചയപ്പെടുത്തിയത്‌ നന്നായി വെള്ളെഴുത്തേ.
അതെ ഇങ്ങനെ നൃത്തം തുടര്‍ന്നെങ്കില്‍.........ഈ പരിചയപ്പെടുത്തലിന്‌ നന്ദി
അതിസുന്ദരമായ ചിത്രം, ഒപ്പം കവിതയും
:)
Post a Comment