November 10, 2007

പിയാനോ


ഒരു പിയാനോ
രണ്ടു ഇളംനീല ജീന്‍സ്
മൂന്നു മണിയ്ക്കുള്ള ഷോ
നാലു പ്രധാന കഥാപാത്രങ്ങള്‍
അഞ്ചു ഡോളറിന്റെ ടിക്കറ്റ്
ആറു സിനിമാശാലകളുടെ കോം‌പ്ലെക്സ്
ഏഴു എം&എം മുട്ടായികള്‍
എട്ടൌണ്‍സിന്റെ ഡയറ്റ് സോഡ
തൊണ്ണൂറ് പോപ്‌കോണ്‍, വെണ്ണയും ഉപ്പുമുള്ളത്.

ഇരുട്ടില്‍
ചുണ്ടുകള്‍ കൊണ്ട് കീ ബോര്‍ഡില്‍
വായിച്ചതെല്ലാം പിയാനോ.
കണ്ണുകള്‍ പറഞ്ഞതൊക്കെ കഥ.
രണ്ടു സീറ്റുകളുടെ 35 എം‌ എം -ഫ്രെയിമില്‍
സംഭവിച്ചതെല്ലാം സിനിമ.

ചന്ദ്രകാന്ത് ഷാ (ജനനം 1956-ല്‍)രചിച്ച ഒരു ഗുജറാത്തി കവിതയുടെ വിവര്‍ത്തനം. നടനും നാടകകൃത്തും കവിയുമൊക്കെയായ ഷാ ഇപ്പോള്‍ ബോസ്റ്റണില്‍ താമസിക്കുന്നു. 'Ane Thoda Sapna, Blue Jeans എന്നിവ കവിതാസമാഹാരങ്ങള്‍.
Post a Comment