January 9, 2011

ഇന്ന് പിന്നെയും




ഇന്ന് പിന്നെയും

ഇന്ന് ജീവിതം വീണ്ടും പുതിയതായി തുടങ്ങി.
എളുപ്പം മനസ്സിലാവുന്ന ചെറിയ ഒരു കവിത ഞാൻ വായിച്ചു
ഒരുപാടു നേരം സൂര്യാസ്തമയവും നോക്കിയിരുന്നു.
മനസ്സിന്റെ ഭാരമെല്ലാം തണുത്ത വെള്ളത്തിൽ ഒഴുക്കികളഞ്ഞ് കുളിച്ചു.
ഒരു പെൺകുട്ടി ആർത്തു വിളിച്ചുകൊണ്ടു വന്ന്
എന്റെ തോളിൽ വലിഞ്ഞു കയറിയിരുന്ന് കളിച്ചു.
ഒരു ഗാനം ഞാൻ മുഴുവനായും പാടി.
ജീവിതം ഇന്ന് പിന്നെയും പുതുതായി തുടങ്ങി!


ഏകാകിയായ സ്ത്രീ

മോഹന് കലശലായ പനി.
അയാൾ ലോകത്തെ മുഴുവൻ
ഉപേക്ഷിച്ചിട്ട് ഇപ്പോൾ തന്റെ അടുക്കൽ എത്തിയിരിക്കുകയാണെന്ന്
കമലയ്ക്കു തോന്നി.
രണ്ടു ദിവസം കഴിഞ്ഞപ്പോൾ
പനിയുടെ സ്വകാര്യതയ്ക്കുള്ളിലെവിടെയ്ക്കോ
അയാൾ തിരക്കിട്ടു പോയി.
കമല പിന്നെയും ഒറ്റയ്ക്കായി.
കമല.

രഘുവീർ സഹായ് (1929 - 1990)
നോവലിസ്റ്റും വിമർശകനും ചെറുകഥാകാരനും കവിയും പത്രപ്രവർത്തകനും വിവർത്തകനും. കുറച്ച് മേൽ‌വിലാസങ്ങളും കുറച്ച് എഴുത്തുകളും, ആളുകൾ മറന്നിരിക്കുന്നു, ആത്മഹത്യയ്ക്ക് എതിരായി, ചിരിക്കൂ ചിരിക്കൂ പെട്ടെന്ന് ചിരിക്കൂ, പടവുകളിൽ വെയിലിൽ തുടങ്ങിയ പ്രധാന കൃതികൾ.

Lucy Rosenstein എഡിറ്റു ചെയ്ത് പരിഭാഷ നിർവഹിച്ച New poetry in Hindi എന്ന പുസ്തകത്തിൽ നിന്നും. ചിത്രം: വിക്കിപീഡിയ.

4 comments:

Pramod.KM said...

എളുപ്പം മനസ്സിലാവുന്ന ചെറിയ 2 കവിതകള്‍ ഞാൻ വായിച്ചു:)

മുഹമ്മദ്കുഞ്ഞി വണ്ടൂര്‍ said...

ലളിതമായ കവിത
ആശംസകള്‍!

Uppumanga said...

manassu veendum niranju.budhi veendum thelinju alle?nandi.

Uppumanga said...

manassu veendum niranju.budhi veendum thelinju alle?nandi.